Осыған орай, Алматы облысының әлеуетін одан әрі дамыту мақсатында іс-шара ұйымдастырылды. Жиынға ҚР Мемлекеттік қызмет істері агенттігі Алматы облысы бойынша департаментінің басшысы Арсен Абзалұлы Жакупов төрағалық етті.
Шетелден білімдерін жетілдіріп келген мемлеткет қызметкерлер: Әділ Бақытұлы Әбілдаев — Алматы облысының кәсіпкерлік және индустриялық-инновациялық даму басқармасының бөлім басшысы, Қуанышбек Мирамбекұлы — Алматы облысы туризм басқармасының басшысы, Ануар Жанболатұлы Аскербеков — Талғар ауданы әкімінің орынбасары қатысты.
ҚР Президенті жанындағы мемлекеттік басқару академиясының Алматы қаласы бойынша филиалының директоры Айгерим Жеңісқызы Абилова айтуынша, Түркия Республикасына Алматы қаласынан үш мемлекеттік қызметші, Алматы облысынан үш мемлекеттік қызметші жалпы Қазақстан бойынша он үш мемлекеттік қызметші оқып келді.
Айта кетейік, қазіргі уақытта департамент тарапынан бұдан басқа да бірқатар жобалар іске асырылып жатыр. Мысалы, өңірлік кадрлық резерв, елге қызмет бағдарламасы, жоғары GPA-мен конкурссыз тағайындау және басқалары.
