Осылайша, бес күндік жұмыс аптасымен жұмыс істейтін қазақстандықтар 24, 25 және 26 қазан күндері қатарынан үш күн демалады. Ал 27 қазан, сейсенбі күні жұмысқа шығады.
Алты күндік жұмыс аптасында жұмыс істейтіндер үшін 24 қазан жұмыс күні болып саналады. Олар 25 және 26 қазанда демалады.
Жалпы, 2026 жылдың қазан айында бес күндік жұмыс аптасы бойынша 10 демалыс күні, ал алты күндік жұмыс аптасында 5 демалыс күні қарастырылған.
Айта кетейік, Республика күні – Қазақстандағы ұлттық мереке. Ол жыл сайын 25 қазанда атап өтіледі.
Бұл күннің тарихи маңызы ерекше. 1990 жылғы 25 қазанда Қазақ КСР Жоғарғы Кеңесі «Қазақ КСР-інің мемлекеттік егемендігі туралы» декларацияны қабылдады. Аталған құжат Қазақстанның тәуелсіз мемлекет ретінде қалыптасуына негіз қалаған маңызды тарихи шешімдердің бірі болды.
2022 жылы Республика күніне ұлттық мереке мәртебесі қайтарылып, 25 қазан ресми демалыс күні ретінде белгіленді.
