«Маңызды мәселе – халықты сапалы ауыз сумен қамтамасыз ету. Су құбыры желілерінің жалпы ұзындығы 706,7 км. Желілердің тозуы 45% құрайды, яғни 19 елді мекенде сумен жабдықтау жүйелерін жөндеу талап етіледі», — деді облыс әкімі Марат Сұлтанғазиев.
Аудан әкімі Бағдат Қарасаевтың берген жауабына сүйенсек, қазір Жетіген, ҚазЦИК ауылдарында және Междуреченск ауылының «Шабыт» шағын ауданында сумен жабдықтау жүйелерінің құрылысы жүріп жатыр. Сондай-ақ ол Өтеген батыр, Боралдай ауылдарында кәріз жүйелерінің құрылыс – монтаждау жұмыстары жүргізіліп жатқанын да атап өтті. Жұмыстың жалпы құны — 4,1 млрд. теңге.
«Жобалық-сметалық құжаттама әзірленіп, Ақши және Екпінді ауылдарының сумен жабдықтау жүйелерін реконструкциялау және жаңадан салу бойынша мемлекеттік сараптаманың оң қорытындысы алынды. Байсерке, Боралдай, Н. Тілендиев, Түймебаев, Қоянқұс, Жомарт, Черемушки ауылдарын сумен жабдықтау жүйелерін реконструкциялау бойынша жобалар сараптама сатысында тұр», — деді Бағдат Қарасаев.
