Синоптиктердің болжамынша, облыстың шығысы мен оңтүстік-шығысында жауын-шашын жаңбыр және қар түрінде түседі. Түнде және таңертең таулы аудандарда тұман күтіледі.
Солтүстік-батыстан соғатын жел біртіндеп солтүстік-шығыс бағытқа ауысады. Облыстың шығысы мен таулы аудандарында желдің екпіні секундына 15 метрге дейін жетуі мүмкін.
Сонымен қатар түнгі уақытта Алматы облысының солтүстігінде ауа температурасы төмендеп, 1 градус үсік күтіледі.
Облыстың шығыс бөлігінде жоғары өрт қаупі сақталады. Осыған байланысты тұрғындарға ашық отты пайдаланғанда сақтық шараларын қатаң сақтау ұсынылады.
Іле Алатауында, оның ішінде Алматы қаласының Медеу және Бостандық аудандарының таулы аумақтарында да түнде және таңертең тұман түсуі ықтимал. Мұнда солтүстік-батыстан соғатын желдің екпіні секундына 15 метрге дейін жетеді.
Ауа райының қолайсыздығына байланысты жүргізушілерге жолда жылдамдық режимін сақтап, ал таулы аймақтарға баратын тұрғындарға қауіпсіздік шараларына ерекше назар аударған жөн.
