Жол апаты 2 тамызда Алакөл ауданында болған. Toyota Land Cruiser көлігі «Үшарал – Достық» тас жолының 169-шақырымында аударылып қалған. Оны 47 жастағы ер адам жүргізіп келе жатқан.
«Жүргізуші мен оның 43 жастағы әйелі қаза болды. Олардың 11 жастағы баласы зардап шегіп, түрлі жарақатпен Үшарал қаласындағы орталық аудандық ауруханаға жатқызылды», — деп хабарлады облыстық полиция департаментінің баспасөз қызметі.
Жол апаты бойынша қажетті сараптамалар тағайындалып, сотқа дейінгі тергеу басталды.
