Алматы облысының санитарлық-эпидемиологиялық бақылау департаментінің айтуынша, соңғы екі аптамен салыстырғанда облыс бойынша КВИ өсу қарқыны 0,1%-дан 0,3 %-ға дейін өсті. Соңғы аптада облыста 431 жағдай тіркелсе, екі апталық көрсеткіш 604 болып тұр. Ал өткен тәулікте COVID-19-дың 109 жағдайы тіркеліп отыр.
Облыс өңірлері бөлінісінде сырқаттанушылық: Талдықорған қаласында – 38, Қаратал ауданында – 27, Ескелді ауданында – 11, Текелі қаласында, Алакөл ауданында – 8, Сарқанда – 7, Панфилов, Кербұлақ аудандарында – 4 және Көксу ауданында – 2 жағдайдан тіркелді.
