Жобаларға 8 млрд теңгеден астам қаражат жұмсалған, бірақ іс жүзінде 7 жоба ғана іске асқан, деп хабарлайды Alataunews.kz тілшісі.
Аталған инвестициялық жобалар сервистік-дайындау орталықтарын құру арқылы тек ауыл шаруашылығы техникасын сатып алып, жер учаскелерін бөлген.
«Корпорация іс жүзінде кәсіпкерлік субъектілеріне жүйелі негізде қаржылай көмек бөлетін «қаржы ұйымына» айналған.
“Мәселен, «Жетісу» әлеуметтік кәсіпкерлік корпорациясы 4 жыл бойы «Ақсу кант» ЖШС-не, сондай-ақ өзге де кәсіпкерлерге 3 млрд. теңгеден астам сомада пайызсыз қаржылық көмек көрсеткен”, – делінген ведомствоның хабарламасында.
Сондай-ақ «Жетісу» ӘКК активтерінде ұзақ жылдар бойы жарғылық құжатқа сай келмейтін және инвестициялық жобаларды іске асыру саясатына тікелей қайшы келетін көп пәтерлі тұрғын үй кешені құрылысына бөлінген жер учаскелері болған.
«Жер учаскелерін бөлу кезінде басқа субъектілерге жол берілмеген. Осылайша, конкурстан тыс негізде жер учаскелерін алу рәсімі ӘКК-ге аталған жер учаскелерін «жалған инвестжобаларды» іске асыруға мүмкіндік берді», – деп мәлімдеді облыстық Антикордың баспасөз қызметінен.
Еске салсақ, биыл Алматы облысы бойынша Антикоррупциялық қызмет «Жетісу» ӘКК қызметіне сыртқы талдау жүргізді. Талдау нәтижесінде құқық қорғау органы басшысының бірінші орынбасары Тимур Темірәлиев 27 қауіп анықтағанын баяндады.
