Қайнар ауылдық округіне қарасты Жаңалық ауылында барлығы 66 көше бар. Олардың жалпы ұзындығы шамамен 40 шақырымды құраса, бүгінде 21 шақырымнан астам жол асфальтталған.
Өтеген батыр көшесіндегі жөндеу жұмыстары аясында ұзындығы 1 430 метр, ені 6 метр болатын жол жаңартылады. Жолға қалыңдығы 6 сантиметрлік жаңа асфальт қабаты төселеді.
Жөндеу жұмыстарын «Алматы Жолдары» ЖШС жүргізіп жатыр. Техникалық қадағалауды «Сапақұрылыс» ЖШС жүзеге асырады. Тапсырыс беруші – Талғар аудандық жолаушылар көлігі және автомобиль жолдары бөлімі.
Жолдың жаңартылуы ауыл тұрғындарының қауіпсіз әрі жайлы қатынауына мүмкіндік беріп, елді мекеннің инфрақұрылымын жақсарта түспек.
Талғар ауданында жол сапасын жақсарту жұмыстары мұнымен тоқтамайды. Аудан аумағындағы көшелер кезең-кезеңімен жөнделіп, жол инфрақұрылымын жаңарту жалғасады.
