Бурабай ықшам ауданын аралау кезінде аудан басшысы апат салдарынан зардап шеккен үйлердің бүгінгі жағдайын көрді. Қалыптасқан ахуалға байланысты тиісті шаралар қабылданып, тұрғындарға түсіндіру жұмыстары жүргізілген.
Аудан әкімдігінің мәліметінше, аталған мәселе бақылауға алынған. Жауапты мамандар апаттың салдарын жою және тұрғындардың қауіпсіздігін қамтамасыз ету бағытындағы жұмыстарды жалғастырып жатыр.
Сапар барысында Танат Айдарбеков Бесқайнар ауылын сумен қамтамасыз етуге арналған ұңғыма құрылысының барысын да тексерді.
Нысанда атқарылып жатқан жұмыстардың жоба талаптарына сәйкестігі қаралып, бірқатар кемшілік анықталды. Осыған байланысты мердігер ұйымға ескерту жасалып, олқылықтарды жою жөнінде тиісті тапсырмалар берілді.
Жобаның сапалы орындалуы мен құрылыс талаптарының сақталуы аудан әкімдігінің бақылауында болады.
