Сонымен бірге қаладағы тығыз орналасқан ғимараттар мен үйлер табиғи желдетуді төмендетіп, ауаның ластануына әсер етеді.
2021 жылы залалды заттардың жалпы көлемі 127 мың тоннаға жетті. Оның ішінде:
- 70 мың тонна – автокөліктен,
- 46 мың тонна – стационарлық көздерден (оның ішінде 36 мың тонна ЖЭО-2),
- 11 мың тонна – жеке сектордан.
«Алматыда 2023 жылға дейінгі даму бағдарламасына сәйкес, газдардың уыттылығы мен түтіннің нормаға сай екендігін талдау қағидалары қабылданады. Автокөліктерге экологиялық сынып беру туралы регламент әзірленеді. Құжат ЕЭО-тың экомаркировка жасау жөніндегі техрегламентіне сәйкес болады», — делінген әкімдік құжатында.
Қазіргі кезде дизель отынымен жүретін:
- қаланың тазалығына жауап беретін 3,4 мың арнайы техника мен автобус;
- 1200 дизельді қоғамдық көлік — 2025 жылға қарай табиғи газ бен токпен жүруге ауыстырылады. Бұл қабылданған шара ауаны ластаушы заттарды жылына 3 мың тоннаға азайтуға мүмкіндік береді.
Сондай-ақ табиғи газбен жүретін автобустар үшін жаңа инфрақұрылым салу жоспарланып отыр. Оған қоса жеке (2025 ж.) және қоғамдық электр көлігін (2030 ж.) зарядтау үшін желілер салынады. 2030 жылға қарай электр автобустары үшін 3 жаңа заманауи депо пайдалануға беріледі.
