«ҰАТ» АҚ Қорғаныс министрлігімен бірлесіп, тіркеу куәлігі мен әскери билетті цифрлық форматқа көшіру жұмыстарын бастаған.
«Осы құжаттарды (әскери билет пен тіркеу куәлігін) цифрландыруға келсек, біз қазірдің өзінде бұл жұмыстарды атқарып жатырмыз. Менің ойымша (электрондық әскери билет) келесі жылдың басында, бірінші жартыжылдықта жүзеге асады деп ойлаймын», — деді
Ростислав Коняшкин.
Оның айтуынша, Қорғаныс министрлігінде әскери есепке алу құжаттарын цифрлық жүйеге көшіру бойынша «кең ауқымды жоспарлар» бар.
9 қарашада Цифрлық даму, инновациялар және аэроғарыш өнеркәсібі министрі Бағдат Мусин төлқұжат «eGov Mobile» мобильді қосымшасында қолжетімді болғанын хабарлады. Әзірге цифрлық төлқұжат Қазақстанда жеке куәлік сияқты жеке басын сәйкестендіру үшін ғана қолданылады.
