eGov.kz порталында жарияланған мәліметке сәйкес, Халықаралық әйелдер күні жексенбіге сәйкес келгендіктен, демалыс күні ауыстырылады. Осылайша, аптасына бес күн жұмыс істейтін азаматтар 7, 8 және 9 наурыз күндері қатарынан үш күн демалады.
Сонымен қатар Наурыз мейрамы да жексенбіге тұспа-тұс келеді. Күнтізбеге сәйкес, 21, 22, 23, 24 және 25 наурыз мерекелік демалыс күндері болып белгіленген.
Сенбі және жексенбі күндерін қоса есептегенде, бес күндік жұмыс аптасымен еңбек ететін қазақстандықтар наурыз айында жалпы саны 13 күн демалады. Осылайша, көктемнің алғашқы айы ел тұрғындары үшін мерекеге толы әрі ұзақ демалысқа мүмкіндік беретін кезең болмақ.
