Оқиға 20 қыркүйекте Тауарасы – Айнабұлақ аралығында болған. Бұл Жетісу облысындағы Сарыөзек – Үштөбе теміржол желісінің бойында орналасқан теміржол аралығы. Пойыз сағатына шамамен 38 шақырым жылдамдықпен қозғалып келе жатқан кезде машинист теміржол бойында жүрген баланы көрген.
Ол шұғыл тежеу жүйесін іске қосып, пойызды тоқтатқан. Машинист баланы локомотив кабинасына алып, қауіпсіз жерге жеткізген. Айнабулақ станциясына келгеннен кейін бала кезекшіге тапсырылды. Кезекші оның ата-анасымен байланысқа шыққан. Төрт жасар баланың теміржол маңындағы далада жалғыз өзі қалай жүргені әзірге анықталып жатыр.
