Әлімжан Өмірзахов Лаоста елдің Сыртқы істер министрлігі мен Қоғамдық қауіпсіздік министрлігінің жауапты қызметкерлерімен кездескенін айтты. Және ол Бермағамбетоваға заң көмегін көрсетуге кепілдік алғанын жеткізді.
«Екі орыс қызын құтқаруға бір уақытта атсалысқан Вьетнамдағы Ресей консулына да ризашылығымды білдіремін. Лаос өкілдері көмек көрсетуге уәде бергенін, бірақ мұның қанша уақытқа созылатынын айтуға ыңғай білдірмегенін айта кеткен жөн. Ресей елшісінің сөзінше, қыздарды босату үш аптадан екі-үш айға дейін созылуы мүмкін», — деді Өмірзахов.
Оның айтуынша, Елшіге өзін таныстырудан бас тартқан шетелдік азамат қызды бұл жерде ұстап қалуды жоспарламағанын, алайда кеткен шығынды өтеуді талап еткен. Қолында Бермағанбетова қол қойған келісім-шарт болғандықтан, азамат жергілікті учаскелік полицейлерден қорықпаған. Ал қыздың туыстары болса мәселеге бейқам қараған әрі мемлекет өз азаматтарының жеке бас қауіпсіздігіне жауап беретініне сенімді болған.
«Екі күнге созылған келіссөздер нәтижесінде қытайлықтардың қызды Меконг арқылы Тайландқа апаратынына келісіп, айыппұл көлемін екі есе азайтуға мүмкіндік туды», — деді ол.
Қазір Анель Чанграй қаласында, ол ары қарай Бангкок қаласына ұшуы керек, ол жерде қызды Тайландтағы елшіліктің қызметкерлері күтіп отыр.
Сондай-ақ Әлімжан Өмірзахов қыздың бұл әрекеті басқаларға сабақ болу керектігін атап өтті.
