«Ауылдық округ әкімдері санитарлық жұмысқа көңіл бөлмейді. Қоқыс тастағандарды жауапқа тарту жұмысы өте төмен деңгейде. Салдарынан елді мекендер қалдықтарға көмкерілген. Аудан әкімдері мен жергілікті полиция қызметкерлері бұл мәселені қатаң бақылауға алуы тиіс деп есептеймін», – деді Төлеген Сәрсембаев.
Оның айтуынша, бүгінгі таңда 149 қауіпті қоқыс үйіндісі жойылды.
Сондай-ақ, биыл 11-12 шілде аралығында экология басқармасының мамандары Алматы облысының жергілікті атқарушы органдарымен бірлесіп Қонаев қаласында және Іле мен Талғар аудандарының елді мекендерінде зерттеулер жүргізді.
Көктен бақылау жүйесі арқылы Конаев қаласынан табылған 62 қауіпті үйіндінің біреуі де жойылмаған. Іле ауданында 72 апатты қоқыс үйіндісінің 66-сы, Талғар ауданында 44 қауіпті үйіндінің 20-сы жойылды. Қабылданған шараларға қарамастан, заңсыз қоқыс полигондарының саны өсіп жатыр. 22 шілде күні Еңбекшіқазақ ауданындағы Ассы обсерваториясының жанынан ірі қара малдың өлексесі табылды.
