Тағылымды шараға Алматы облысы әкімінің бірінші орынбасары Қанат Есболатов қатысып, облыс әкімі Шыңғыс Әріновтің арнайы құттықтауын жеткізді.
Кеш барысында қытайлық белгілі жазушы әрі аудармашы Ақбар Мажит Жамбыл шығармашылығының қазақ әдебиетіндегі айрықша орнына тоқталды. Ол ақын мұрасының ұрпақтар сабақтастығын сақтауда ғана емес, халықтар арасындағы мәдени байланысты нығайтуда да маңызды рөл атқаратынын атап өтті.
Мерейтойлық шараға зиялы қауым өкілдері, мәдениет және өнер саласының мамандары, Бейжің тұрғындары, сондай-ақ қазақ-қытай мәдени байланыстарының дамуына үлес қосып жүрген азаматтар қатысты.
Іс-шара аясында Жамбыл Жабаевтың әдеби-мемориалдық музейінің арнайы көрмесі ұйымдастырылды. Көрермен назарына ақынның өмірі мен шығармашылығынан сыр шертетін 100-ден астам жәдігер ұсынылды. Олардың қатарында Жамбыл Жабаевтың жеке заттары, тұрмыста қолданған бұйымдары және ақын мұрасына қатысты құнды дүниелер бар.
Мәдени бағдарламаны Сүйінбай атындағы Алматы облыстық филармониясының өнерпаздары жалғастырды. Олар қазақтың дәстүрлі өнерін дәріптейтін концерттік бағдарлама ұсынып, Жамбылдың жырларын Бейжің төрінде әуелетті.
Бейжіңде өткен «Жамбыл – ғасыр ақыны» мәдени шарасы қазақ әдебиетінің көрнекті өкілінің мол мұрасын халықаралық деңгейде насихаттап, Қазақстан мен Қытай арасындағы мәдени-гуманитарлық байланысты нығайтуға бағытталды.
