Л.Н. Гумилев атындағы ЕҰУ Мемлекет және құқық теориясы мен тарихы, конституциялық құқық кафедрасының профессоры, заң ғылымдарының докторы Ермек Абдрасуловтың айтуынша, Конституция баптары өте қысқа жазылады.
«Парламент каникулдан шыққан соң көп заң қабылданады. Бірақ біз қысқаша болса да, ғылыми бағытта әр бапқа енгізілген өзгерістерге жақсы түсіндірме беруге тырыстық. Шенеуніктер қашан нұсқаулық келіп түсетінін күтпей, әр адам осы Конституцияны қазір жүзеге асыруы керек. Халықтың жағдайын ойлау керек, олар өз өкілеттігіне қарай қолынан келгенінше Конституцияға сәйкес жұмыс істеуі керек», — деді спикер.
Ермек Абдрасуловтың айтуынша, бұл мәселелердің барлығы кітапта жазылған. Бұл тұңғыш түсіндірме ғана, алдағы уақытта кітап толықтырылып отыратын болады.
