Мамандардың айтуынша, мұндай бақылаулардың ғылыми маңызы зор. Фототұзақтар жануарларды мазаламай, олардың тіршілігін табиғи жағдайда бақылауға мүмкіндік береді. Осы әдіс арқылы зерттеушілер сирек кездесетін аңдардың мінез-құлқы, таралу аймағы мен мекен ету ортасы туралы маңызды деректер жинай алады.
Қар барысы таулы аймақта тіршілік етуге жақсы бейімделген жыртқыштардың бірі. Оның жалпақ табандары қар үстінде еркін қозғалуына көмектессе, ұзын құйрығы тік әрі жартасты беткейлерде тепе-теңдігін сақтауға мүмкіндік береді.
Айта кетейік, қар барысы – Қазақстанның Қызыл кітабына енгізілген сирек кездесетін жануар. Сондықтан оны табиғи ортада бақылау және мекен ету аумағын зерттеу жойылып кету қаупі бар түрді қорғау үшін маңызды.
