Полиция олардың басқа алты фактіге қатысы бар екенін анықтады.
«Жедел-іздестіру іс-шаралары барысында 26 және 22 жастағы екі азамат ұсталды. Ер адамдар ірі сауда үйінің бутиктерінен бірнеше ұрлық жасады деген күдікке ілінген. Олардың тағы осыған ұқсас 6 ұрлық әрекетіне қатысы бар екені анықталды. Күдіктілер бұл қылмыстарға қатысы барын жоққа шығармады. Аталған дерек ҚР ҚК-нің 188-бабы 3-бөлігінің 2,3-тармағы бойынша сотқа дейінгі тергеудің бірыңғай тізіліміне енгізілді. Қазір олар қамауға алынды», – деді Әуезов аудандық Полиция басқармасының бастығы Ұлан Әбілқайыр.
