Жануарларды қорғаушылардың айтуынша, иттердің денесіндегі жарақаттарға қарағанда, оларға балтамен соққы жасалған болуы мүмкін.
Жануарларға шабуыл жасады деген күдікке ілінген әйел жараланған иттер табылған жерге жақын маңдағы көрші көшеде тұрады. Ол болған жағдайды жасырмай, иттерге өзі шабуыл жасағанын мойындаған. Әйелдің сөзінше, бұған иттердің тауықтарын өлтіруі себеп болған және ол осылайша кек алмақ болған.
Оқиғадан кейін жергілікті тұрғындар волонтерлермен бірге полицияға арыз жазды.
Қазір жараланған иттер ветеринарлық клиникада ем қабылдап жатыр. Жарақаттары ауыр болғанына қарамастан, ветеринарлар олардың жағдайына оң болжам жасап, сауығып кететініне үміттеніп отыр.
