Оқиға түнгі уақытта «Терра» алаңы маңында, теңіз деңгейінен 2600 метр биіктікте болған. Тауда жүрген әйел аяғын қайырып алып, әрі қарай өздігінен жүре алмаған.
Оқиға туралы хабар түскеннен кейін Алматы қаласы Мониторинг және жедел әрекет ету орталығының құтқарушылары турист орналасқан жерге жетті. Мамандар оған қажетті көмек көрсетіп, таудан қауіпсіз жерге түсіру жұмыстарын ұйымдастырды.
Турист төменге жеткізілгеннен кейін ТЖМ Апаттар медицинасы орталығының қызметкерлеріне тапсырылды. Зардап шеккен әйел одан әрі медициналық тексеруден өту үшін ауруханаға жеткізілді.
