Оқиға Левый Талғар шатқалында, теңіз деңгейінен 2 970 метр биіктікте болған. Алматы қаласы әкімдігінің Мониторинг және жедел әрекет ету орталығы мен «Барыс» республикалық құтқару қызметінің мамандары шұғыл түрде оқиға орнына аттанды.
Хабарлама түскеннен кейін екі бақылау-құтқару бекетінің қызметкерлері қысқа мерзімде зардап шегушіге жетіп, оған алғашқы медициналық көмек көрсетті. Мамандар туристің жағдайын ауыр деп бағалады.
Құтқарушылар жарақат алған азаматты күрделі таулы жер бедері арқылы Кіші Талғар асуына дейін зембілмен алып шықты. Эвакуация барысында оларға Алматы қаласы альпинизм федерациясының еріктілері қосылып, бірлескен күштің арқасында құтқару операциясы сәтті аяқталды.
Зардап шегуші «Шымбұлақ» тау курортына жеткізілгеннен кейін Апаттар медицинасы орталығының дәрігерлеріне тапсырылып, әрі қарай қалалық клиникалық ауруханаға жатқызылды.
Мамандар тауға шығатын азаматтарды қауіпсіздік талаптарын қатаң сақтауға, ауа райын алдын ала бақылауға және күрделі бағыттарға міндетті түрде қажетті құрал-жабдықтармен шығуға шақырады.
