70 келіге дейінгі салмақ дәрежесінде сынға түскен Әлижан Аблагатов жартылай финалда Иран өкілі Ерфан Мохаррами Пирагноммен кездесті. Тартысты өткен жекпе-жекте ирандық спортшы басым түсіп, финалға жолдама алды.
Жарыс ережесіне сәйкес, жартылай финалда жеңілген спортшылар қола жүлдеге ие болады. Осылайша, Әлижан Аблагатов XX жазғы Азия ойындарының қола жүлдегері атанды.
Бұл – Қазақстанның ушу-саньда тарихындағы Азия ойындарында қол жеткізген алғашқы медалі.
Ширек финалда қарсыласын нокаутпен жеңді
Әлижанның жүлдеге апарар жолындағы шешуші кездесулердің бірі ширек финалда өтті. Қазақстандық спортшы Вьетнам өкілі Чыонг Ван Чуонгпен шеберлік байқасты.
Жекпе-жектің алғашқы сәттері тең дәрежеде өткенімен, кейін Әлижан бастаманы өз қолына алды. Ол қарсыласын мерзімінен бұрын нокаутпен жеңіп, жартылай финалға жолдама алды. Осы жеңістің арқасында қазақстандық спортшы кемінде қола жүлдені қамтамасыз етті.
Әлижан Аблагатов бұған дейін де халықаралық жарыстарда жоғары нәтиже көрсетіп үлгерген. 2025 жылдың қыркүйегінде 18 жастағы спортшы Бразилияда өткен ушу-саньдадан әлем чемпионатында күміс жүлдеге ие болды.
Сол жарыста 70 келіге дейінгі салмақта өнер көрсеткен ол Гонконг, Мысыр және Түрікменстан спортшыларын кезекпен жеңіп, ересектер арасындағы әлем чемпионатының финалына дейін жеткен еді.
Енді Әлижан Аблагатов Азия ойындарында да жүлдеге қол жеткізіп, Қазақстан ушу-саньдасының тарихына енді.
