Арман Еркінұлы Айшуақов 1991 жылы дүниеге келген. 2013 жылы Қазақ бас сәулет-құрылыс академиясын «Сәулет» мамандығы бойынша тәмамдап, 2014 жылы осы оқу орнында магистр дәрежесін алған.
2023 жылы Қазақстан Республикасы Президентінің жанындағы Мемлекеттік басқару академиясын «Мемлекеттік және жергілікті басқару» мамандығы бойынша бітірген.
Еңбек жолын сәулет саласында бастаған. Әр жылдары «ПСК Архат 2» ЖШС-де және Алматы қаласындағы «Алматыгипрогор» жобалау институтында сәулетші болып жұмыс істеген.
Кейін Алматы қаласының Сәулет және қала құрылысы басқармасында бас маман қызметін атқарып, Жетісу және Алмалы аудандарында қалалық жоспарлау және аумақтарды үйлестіру қызметіне жетекшілік еткен.
2025 жылдың қыркүйегінен бастап Алматы қаласы Сәулет және қала құрылысы басқармасы басшысының орынбасары лауазымында қызмет атқарған.
2026 жылғы 1 қазанда Алматы облысы әкімінің өкімімен Арман Айшуақов облыстық сәулет және қала құрылысы басқармасының басшысы болып тағайындалды.
