Соңғы жылдары ауданда өнеркәсіп өндірісінің ақшалай көлемі тұрақты өсіп келеді. Мәселен, 2023 жылы 576,1 млрд теңгенің өнімі өндірілсе, 2024 жылы бұл көрсеткіш 621,8 млрд теңгеге жеткен. Ал 2025 жылы өндіріс көлемі 669,1 млрд теңгені құрады.
2026 жылдың алғашқы тоғыз айында ауданда 552,3 млрд теңгенің өнеркәсіп өнімі өндірілген.
Қазіргі уақытта Қарасай ауданында 19 ірі және орта өнеркәсіптік кәсіпорын жұмыс істейді.
Олардың қатарында RG Brands Kazakhstan, Coca-Cola Almaty Bottlers, Pladis Kazakhstan, Asia Agro Food, Efes Kazakhstan, Kagazy Recycling және Kelun – Kazpharm сияқты компаниялар бар.
Аталған кәсіпорындар тамақ өнеркәсібі, сусындар өндірісі, фармацевтика және қалдықтарды қайта өңдеу бағыттарында қызмет көрсетеді.
Өнеркәсіп саласының дамуы аудан экономикасына инвестиция тартуға, өндірістік инфрақұрылымды кеңейтуге және тұрғындарды тұрақты жұмыспен қамтуға мүмкіндік беріп отыр.





