Брифингте басқарма басшысының орынбасары түрлі мәселені қаузады. Оның ішінде Алматы облысындағы 423 мектептің интернет желісіне қосылуы туралы да мәлімет айтылды.
«Облыстағы барлық мектеп 100% ғаламтормен әрі компьютермен қамтылған. 352 ауыл мектебіндегі интернет жылдамдығы 8 Мбит/с кем емес. Қала мектептеріндегі интернет жылдамдығы сәйкесінше 20 Мбит/с құрайды», — дейді облыстық Білім басқармасы басшының орынбасары Г. Исағұлова.
Басқарма өкілінің мәліметінше, мектептердегі компьютердің жалпы саны 75 мыңға жуық. Биыл 445 компьютер сатып алуға бюджеттен 124,6 млн тг бөлінген.
