Синоптиктердің мәліметінше, атмосфералық фронттардың өтуіне байланысты Қазақстанның батысында, шығысында, оңтүстік-шығысында және орталығында найзағай ойнап, жаңбыр жауады. Ал еліміздің қалған аумағында антициклон жотасының әсерінен жауын-шашынсыз ауа райы күтіледі.
Сонымен қатар республика бойынша жел күшейеді. Түнгі және таңғы уақытта елдің батысында, солтүстік-батысында, солтүстігінде, шығысында және орталығында тұман түсуі мүмкін.
Алматы облысының оңтүстігі мен шығысында жоғары өрт қаупі болжанса, облыстың бірқатар аумағында төтенше өрт қаупі сақталады. Мұндай қауіп Қызылорда, Түркістан, Жамбыл, Ұлытау және еліміздің басқа да бірқатар өңірінде тіркеледі.
Өрт қаупінің жоғары болуына байланысты тұрғындарға табиғат аясында от жағу кезінде қауіпсіздік талаптарын қатаң сақтау, сөндірілмеген темекі мен жанғыш заттарды тастамау және құрғақ шөпті өртеуден бас тарту маңызды.
