Өңірдегі сайлау учаскелерінде қоғамдық байқаушылар қатарында «Дауыс» қоғамдық байқаушылар коалициясының өкілдері де бар. Олар заңнамада белгіленген өкілеттіктері аясында дауыс беру рәсімдерінің талапқа сай өтуін бақылайды.
Байқаушылардың негізгі міндеттерінің бірі – сайлау процесінің ашықтығын қамтамасыз етуге ықпал ету және дауыс беру кезінде заң талаптарының сақталуын бақылау.
«Біздің басты міндетіміз – сайлау барысын объективті түрде бақылап, барлық рәсімнің заң талаптарына сай өтуін қадағалау», – деді «Дауыс» қоғамдық байқаушылар коалициясының мүшесі Айгерім Сарманова.
Құрылтай сайлауын халықаралық байқаушылар да бақылап жатыр. Қазақстан Республикасы Орталық сайлау комиссиясы 42 шет мемлекет пен 13 халықаралық ұйымнан келген 777 халықаралық байқаушыны аккредиттеген.
Байқаушылар сайлау учаскелері ашылған сәттен бастап дауыс беру аяқталып, заңда белгіленген тиісті рәсімдер толық орындалғанға дейін учаскелердегі жағдайды қадағалайды.
Олардың жұмысы сайлау процесінің ашықтығы мен заң талаптарының сақталуын бақылауға бағытталған.
