Бастаманың негізгі мақсаты – құтқару қызметтерінің мобильділігін арттырып, олардың жетуі қиын аудандарда жұмыс істеу мүмкіндігін күшейту.
Қордың бас директоры Рашид Жанұзақовтың айтуынша, соңғы алты айдың ішінде төрт жол талғамайтын көлік жаңғыртылып, пайдалануға берілген. Көліктер қосымша техникалық жабдықтармен толықтырылып, іздестіру-құтқару операцияларын тиімді жүргізуге бейімделген.
Жаңғыртылған техника Барыс республикалық құтқару қызметі, Қазселденқорғау мекемесіне, сондай-ақ Алматы облысының Төтенше жағдайлар департаментіне берілді. Қазіргі уақытта жол талғамайтын көліктер жауынгерлік кезекшілікке шығып, құтқару операцияларында, соның ішінде таулы аймақтарда да пайдаланылып жатыр.
Техниканы табыстау рәсімі ұйымдардың бірінші басшылары мен құтқару бөлімшелерінің өкілдері қатысқан салтанатты жағдайда өтті.
Қазақстандық құтқарушылар қоры алдағы уақытта да құтқару қызметтерінің техникалық әлеуетін арттыруға және адамдардың өмірін қорғау мен құтқару жолында күн сайын еңбек ететін мамандарды қолдауға бағытталған жұмыстарды жалғастыруға ниетті.
