Өрт Нұрлы ауылынан шамамен 20 шақырым жерде, Іле өзенінің маңындағы ашық аумақта шыққан.
Төтенше жағдайлар министрлігінің мәліметінше, өрт сөндіру жұмыстары жердің батпақты әрі жетуі қиын болуына байланысты күрделеніп отыр.
Оқиға орнында ТЖМ қызметкерлері, Шелек орман шаруашылығының мамандары және «Қазавиақұтқару» АҚ тікұшағының экипажы жұмыс істеп жатыр. Жалпы өртті сөндіруге 70-ке жуық адам, 21 техника және тікұшақ жұмылдырылған.
Қазіргі уақытта өрт сөндіру жұмыстары жалғасып жатыр. Оқиға орнында жедел штаб құрылды.
Жағдай Қазақстан Республикасы Төтенше жағдайлар министрлігінің бақылауында.
