«Жаңа оқу жылына аз қамтылған отбасылардан шыққан 27 765 балаға 1 млрд. 47 млн. теңге бөлінді. Бұл қаржыға мектеп формасы және оқу құралдары сатып алынып, оқушыларға табысталады», — деді өңір әкімі.
Облыс әкімінің мәліметінше, бұдан бөлек, демеушілер мен жеке кәсіпкерлер, мемлекеттік мекемелер тарапынан да көмек көрсетілген. Олар 17 019 оқушыға арнап 230 млн. 500 мың теңгеге керек-жарақтар мен мектеп формасын сатып алған.
Естеріңізге сала кетсек, өткен оқу жылында облыстағы 423 мектепте 317 446 бала білім алған.
