Advertisement
Қазақстан жаңалықтары - Alataunews
  • Русский язык
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Whatsapp
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Қазақстан жаңалықтары - Alataunews
No Result
View All Result
Басты бет Жаңалықтар

Алматы облысында 73 сарбаз әскери борышын өтеп, IT мамандықтарын меңгерді

Алматы гарнизонының 78460 әскери бөлімінде Sarbaz+ пилоттық жобасының алғашқы түлектері мерзімді әскери қызметін аяқтады. Бір жыл ішінде 73 сарбаз әскери даярлықпен қатар ақпараттық технологиялар саласында білім алып, ағылшын тілін үйренді, деп хабарлайды alataunews.kz.

Қорлан Нұрланқызы
14.11.2026
Жаңалықтар

Жоба аясында әскери қызметшілер бағдарламалау, киберқауіпсіздік, жасанды интеллект, деректерді талдау және Cisco желілік технологиялары бойынша білім алды. Сондай-ақ QLang платформасы арқылы ағылшын тілін меңгерді. Оқыту бағдарламасына Astana Hub IT мектебі мен басқа да білім беру ұйымдары атсалысты.

Сарбаздардың жаңа дағдыларды меңгеруі үшін әскери бөлімде арнайы IT-сыныптар жабдықталған. Сонымен қатар ұшқышсыз ұшу аппараттарын басқару және заманауи радиобайланыс құралдарымен жұмыс істеу бойынша сабақтар ұйымдастырылды. Оқу курстарын сәтті аяқтаған әскери қызметшілерге тиісті сертификаттар табысталды.

Жоба барысында үздік нәтиже көрсеткен сарбаздардың бірі – Мирас Тұрлыбеков. Ол әскери қызметте жүріп IT, ағылшын тілі және басқа да бағыттар бойынша тоғыз сертификат иеленген. Сондай-ақ ұшқышсыз ұшу аппараттарын басқаруды меңгерген. Әскери борышын адал атқарғаны үшін оған кіші сержант атағы берілді.

«Барлық бағыттың ішінде мені деректерді талдау мен киберқауіпсіздік ерекше қызықтырды. Запасқа шығарылғаннан кейін алған дағдыларымды дамытып, кәсіпте қолдануды жоспарлап отырмын», – деді Мирас Тұрлыбеков.

Әскери бөлімде сарбаздардың спортпен шұғылдануына және бос уақытын тиімді өткізуіне де жағдай жасалған. Мұнда жаттығу залдары, футбол, стритбол және воркаут алаңдары, кітапхана мен шахмат үйірмесі жұмыс істейді. Сондай-ақ әскери қызметшілерге психологиялық қолдау көрсетуге арналған арнайы бөлмелер қарастырылған.

Sarbaz+ жобасы жастарға әскери борышын өтеумен қатар заманауи технологияларды меңгеріп, еңбек нарығында сұранысқа ие дағдыларды игеруге мүмкіндік береді. Алғашқы түлектердің тәжірибесі әскери қызметтің кәсіби және тұлғалық дамуға да жол ашатынын көрсетті.

Тегтер: Алматы облысыҚазақстан

Соңғы жаңалықтар

АҚШ инвесторлары Алматы облысындағы ірі жобаларға қызығушылық танытты

Қорлан Нұрланқызы
18.11.2026

Алматы облысында кезекші ХҚКО мекенжайлары өзгерді

Қорлан Нұрланқызы
18.11.2026

Алматы облысында 12 тоннадан астам есірткі тәркіленді

Қорлан Нұрланқызы
18.11.2026

Көлсайда 6,3 шақырымдық аспалы жол салынады

Қорлан Нұрланқызы
18.11.2026

Алматы облысында мал ұрлығына қатысы бар екі қылмыстық топ ұсталды

Қорлан Нұрланқызы
18.11.2026

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
ZERO.kz

© 2022-2024 www.alataunews.kz

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
  • Русский язык

© 2022-2024 www.alataunews.kz