Су ресурстары және ирригация министрлігінің мәліметінше, каналдың жалпы ұзындығы 1,53 шақырым болатын апатты бөліктері толық жаңартылған. Жоба аясында ескі және бүлінген учаскелер бұзылып, олардың орны монолитті темір-бетонмен қапталған.
Су шаруашылығы комитетінің төрағасы Арсен Жақанбаевтың айтуынша, барлық құрылыс-монтаж жұмыстары белгіленген мерзімде аяқталған.
«Қайта жаңғырту жұмыстарының нәтижесінде биылғы вегетациялық кезеңді уақытылы бастауға мүмкіндік туды. Каналдың техникалық жағдайы жақсарып, су өткізу қабілеті артты. Сонымен қатар су шығыны айтарлықтай азайды», – деді комитет төрағасы.
Мамандардың айтуынша, аталған жоба ауыл шаруашылығы алқаптарын тұрақты сумен қамтамасыз етуге мүмкіндік береді. Бұл өз кезегінде өңірдегі егін шаруашылығының өнімділігін арттыруға оң әсер етеді.
Министрлік мәліметінше, каналдағы реконструкция жұмыстары су ресурстарын тиімді пайдалануға және ирригациялық инфрақұрылымды жаңғыртуға бағытталған кешенді шаралардың бір бөлігі болып саналады.
