«Менің бұл қызметте жүргеніме 1.5 жыл болды. Жаздық шомылу маусымында Қапшағай су қоймасында туристер ағыны көбейеді. Сол кезде құтқарушылар қайықпен адамдарды бақылап жүреді. Күнделікті кезекшілікке бірнеше адам шығады», — дейді Қуаныш Қайыржан.
Құтқарушының айтуынша, оның мемлекеттік медальмен марапатталуына үш жігітті судан құтқарып алғаны себеп болған.
«Бірі білсе, бірі білмес — Қапшағай су қоймасының астында шұңқырлар бар. Демалуға келген үш жігіттің екеуі сол ұңғымаға түсіп кетті. Оның біреуінің бойын қорқыныш билеп, бата бастады. Ал екіншісінің суда аяғы тартылып қалды. Байқаған сәтте-ақ қайықпен жүзіп келіп құтқарып алдық», — деді Қуаныш Қайыржан.
Сонымен қатар ол барлық құтқарушылардың марапатқа лайық екенін атап өтіп, Мәдениет үйінде болған марапаттау сәтіндегі сезімдерімен бөлісті.
Айта кетейік, бұған дейін бірқатар азаматтардың мемлекеттік наградалармен марапатталғанын жазғанбыз.
Толығырақ төмендегі видеодан көре аласыздар.
Посмотреть эту публикацию в Instagram
