Бақылау жүйесі жолдың бірнеше учаскесінде орнатылып, көліктің бақылау аймағына кірген және шыққан уақытына қарай жүріп өткен қашықтық пен уақытты есептеу арқылы орташа жылдамдықты анықтайды.
Мамандардың мәліметінше, рұқсат етілген жылдамдық – 110 км/сағ. Ал белгіленген шектен асқан жүргізушілерге әкімшілік жауапкершілік қарастырылады.
Жүйе сертификатталған, автоматты режимде жұмыс істейтін арнайы техникалық құралдар арқылы жүзеге асырылуда. Фотобекіту материалдары негізінде заң бұзушылықтар тіркеледі.
Жол қозғалысы қауіпсіздігін арттыру мақсатында енгізілген бұл шара жүргізушілерді жылдамдық режимін сақтауға және жол ережелерін қатаң ұстануға шақырады.
Жолда абай болыңыздар!
