Іс-шара Рауан шағын ауданы тұрғындарының, Әбдіқадыр Нұрамағанбетовтың туысқандарының, ізбасарларының қатысуымен өтті. Шара барысында генералдың ел тарихындағы рөлі мен еңбегі кеңінен айтылды.
ҚР Ұлттық ғылым академиясының құрметті президенті, профессор Мұрат Жұрынов генералдың тұлғалық және кәсіби келбетін ерекше атап өтті:
«Генерал Әбдіқадір Нұрмағамбетов – Қазақстанның көрнекті мемлекет және қоғам қайраткері. Ол еліміздің үш бірдей өңірінде басшылық қызмет атқарған. Сондықтан бұл шараны өте лайықты деп есептеймін. Ә.Нұрмағамбетов – кеңестік дәуірдің генералы, оның өмір жолына, тарихы мен қызметіне қатысты айтылған дүниелердің барлығы орынды әрі ол мұның бәріне толық лайық. Ол өте қарапайым, мейірімді жан болатын. Қарапайым халыққа әрдайым қолдау көрсетіп жүрді. Оның зор беделі – үлкен адами қасиеттерінің жемісі», – деді ол.
Айта кетейік, одан бөлек атауы жоқ тағы 5 көшеге қоғам қайраткерлерінің есімі берілді. Олар:
— Атауы жоқ көше (1-ші линия) — Әбдіқадыр Нұрмағамбетов көшесі;
— Атауы жоқ көше (2-ші линия) — Ақбай Әлібаев көшесі;
— Атауы жоқ көше (3-ші линия) — Жақыпжан Шарипов көшесі;
— Атауы жоқ көше (4-ші линия) — Сүндетбай Балхашев көшесі;
— Атауы жоқ көше (6-шы линия) — Жұмабек Жақыпов көшесі;
— Атауы жоқ көше (8-ші линия) — Әукен Жылқыбаев көшесі.
