«Департаменттің назарындағы бағыттың бірі – білім беру саласы. Жыл басынан бері агенттіктің Call-орталығына аймақтағы мектептерде ақша жинау туралы 40-тан астам өтініш түсті. Кейбір мектептердің директорлары мұғалімдерге оқу жүктемесін бөлу кезінде ақшалай қаражат алатыны туралы мәліметтер бар», — деді Серік Орымбетов.
Сонымен қатар ол аталған фактілерді болдырмау үшін орта білім беру ұйымдарында жұмысқа қабылдау рәсімдерін автоматтандыру мүмкіндігін қарастыруды ұсынды.
«Тәжірибе бар. Шымкентте «HR Process» жүйесі енгізілді, оның есебінен білім беру мекемелерінің бос жұмыс орындары бойынша құжаттарды қабылдау, онлайн әңгімелесу өткізу және конкурс қорытындыларын орналастыру қамтамасыз етілді», — деді департамент басшысы.
