Тас қоюдың ресми рәсіміне Алматы облысының әкімі Марат Сұлтанғазиев қатысты. Ол өз сөзінде бұл жобаны жүзеге асыру өзара тиімді ынтымақтастықты нығайту және дамыту жолындағы маңызды оқиға болатынын атап өтті. Оның айтуынша, облыс республикадағы барлық темекі өнімдерінің 100 пайызын өндіреді, бұл өңірдегі жалпы өңдеу өнеркәсібінің 15 пайыздан астамы.
«Биылғы жартыжылдықтың қорытындысы бойынша темекі өнеркәсібінен мемлекеттік бюджетке шамамен 145 млрд. теңге түсті, бұл жалпы салық түсімінің шамамен 34 пайызын құрады», — деді Марат Сұлтанғазиев.
Сондай-ақ аймақ басшысы бұл өндірісті іске қосу 90 миллиард теңгеден астам шетелдік инвестицияның келуін қамтамасыз етіп, 100-ге жуық жалақысы жоғары жұмыс орнын құруға мүмкіндік беретінін айтты.
«Кәсіпорынның өндірістік қуаты жылына 8 млрд қорапты (440 млн қаптама) құрайды, оның 60%-ға жуығы экспортқа жіберіледі. Осылайша, KT&G компаниясы темекі өнеркәсібіндегі өз өндірісін өңірімізде жүргізіп отырған үшінші трансұлттық компания болмақ», — деді Марат Сұлтанғазиев.
Сөз соңында облыс әкімі жобаны жүзеге асыру үшін визалық қолдау көрсету және барлық қажетті техникалық шарттарды алу жағынан облыста жан-жақты қолдау көрсетілетінін айтты. Сондай-ақ, жобаны электрмен тұрақты қамтамасыз ететін ҮАААЖ бен Көкөзек қосалқы стансасының іске қосылуы өңірдің инвестициялық тартымдылығының артуына септігін тигізуде.
