Ерекше құрметке «Алатау арайы» газетінің тілшісі Алма Есенбаева мен «Огни Алатау» басылымының Ұйғыр ауданындағы меншікті тілшісі Әсел Мұқашева ие болды.
Алма Есенбаева өзінің еңбек жолын облыстық «Жетісу» газетінде корректор болып бастаған. Кейіннен тілші, бөлім меңгерушісі қызметіне дейін көтерілген. Қазір бір жыл бұрын қайта құрылған Алматы облысында ашылған «Алатау арайы» газетінде бөлім меңгерушісі болып қызмет атқарып жүр. Ол басылымның әр нөміріне әлеумет, экономика, мәдениет, руханият тақырыптарында жазады.
Марапаттан соң «Алатау арайы» газетінің бас редакторы Кәдірбек Құныпияұлы мен «Огни Алатау» газетінің бас редакторы Забира Сайділдина сөз алып, әріптестерін құттықтады.
