Баспасөз қызметінің мәліметінше, аудан, қала орталығынан алыс орналасқан ауылдарға дәрігерлер арнайы барып, жалжымалы медициналық кешеннің арқасында сапалы медициналық көмек көрсетті.
«Жылжымалы медициналық кешеннің көмегімен азаматтар кең спектрлі тексерістен өте алады. Аталған кешен жалпы қабылдау, тәжірибелік дәрігер және талдауларды қабылдау аймағы, дәріхана пункті, функционалды диагностика, акушер-гинеколог, сондай-ақ сәулелік диагностика кабинеттерінен тұрады. Ал рентген және флюорография арнайы қорғасынмен қапталған бөлмеде қауіпсіз жағдайда жасалады», — делінген хабарламада.
Ресми мәліметке сүйенсек, мамандар Құйған, Жиделі, Бала топар, Қаскелең топар, Желтораңғы, Аралтөбе, Ақжар, Қараой, Көктал, Көкжиде, Ақкөл, Үш жарма, Бура, Береке, Бояулы, Ақдала, Бірлік, Миялы, Бақбақты ауылдарына барып, 5843 адамды тексеруден өткізіп қайтты.
Айта кетейік, жылжымалы медициналық кешен қыста ауа райының қолайсыздығына байланысты көктем мен күз маусымында ғана жолға шығып, елдімекендерді аралайды.
