Біздің тілшілер қазір Қонаев қаласындағы №949 сайлау учаскесінде тұр.
Алғашқы болып ардагерлер кеңесінің мүшесі Амангелді Керімбеков өз дауысын берді.
«Халқыма бірінші тыныштық болсын дегім келеді. Сонда біздің ұрпақтарымыз қиындық көрмей өмірден өтеді. Кейінгі жастар Қазақстанды әлемге танытсын. Өз даусымды елімнің тыныштығы үшін бердім. 79 жастамын, Қонаев қаласында екінші рет сайлауға қатысып отырмын», — деді Қонаев қаласының тұрғыны Амангелді Керімбеков.
Оған №949 сайлау учаскесінің төрағасы Анар Абышева бірінші болып келгені үшін сый-сияпат табыс етті.
Бұл учаскеде 1737 адам тіркелген.
Айта кетейік, жалпы облыс орталығында 33 сайлау учаскесі жұмыс жасайды.
