«Осы жылдың наурыз айында облыстың бұрынғы әкімі Қанат Бозымбаев Жаркент қаласындағы резиденцияны балалардың қажеттіліктеріне пайдалануды тапсырды. Ғимаратты қайта жөндеуге 80 млн теңге жұмсалды. Бір қабатты ғимараттың көлемі – 910 шаршы метр. Ол 1 гектар жер учаскесінде орналасқан. Енді жаңа оңалту орталығы монтесорри, сенсорлық, физиотерапия, емдік дене шынықтыру, дефектолог және логопед, гидромассаж, массаж, емшара кабинеттерімен, акт залымен және еңбекке оқыту бөлмесімен жасақталған», – делінген хабарламада.
Бұл мәселе облыстың бұрынғы әкімінің Панфилов ауданы тұрғындарымен кездесуден кейін шешілді. Сол кезде ол ғимарат пен учаскені мүгедектігі бар балалардың өмірі мен денсаулығы үшін күресуге көмектесетін маңызды нысанға айналдыру керектігін айтқан еді.
