Кеше әлеуметтік желілерде шаһар әкімінің видеосы тараған еді. Онда әкім мылтықтан оқ атып жатқаны көрінеді. Кейінірек бұл видео жергілікті БАҚ өкілдері мен блогерлер демалысында түсірілгені белгілі болды.
Әкім осылайша төртінші билік өкілдерін келе жатқан кәсіби мерекесімен құттықтауды жөн көрген.
Ал жергілікті тұрғындар журналистермен кездесу қандай қаражатқа ұйымдастырылғанына қызығушылық білдірді.
«Барлық қаражат жалақымның есебінен кетті. Жалақым оған жетеді. Бұл – өзінің қаруы бар ресми орын. Сол жерде кәуап, кола, нанмен шағын пикник ұйымдастырдық. Бәріне 385 мың кетті. 260 мыңы қарудың оқ-дәрісіне, 52 мыңы тәрелкеге және 70 мыңы тамаққа», – деді қала әкімі.
Наурызда Талдықорған әкімі ай сайын 866 мың теңге жалақы алатыны туралы айтқан болатын.
