Мемлекет басшысы Қасым-Жомарт Тоқаев елордадағы сайлау учаскесіне барып, АЭС құрылысы бойынша референдумда өз таңдауын жасады, деп хабарлайды alataunews.kz.
Дауыс бергеннен кейін, Президент БАҚ өкілдеріне сұхбат беріп, қоғамды алаңдатқан бірнеше сұрақтарға жауап берді.
Соның ішінде Атом электр станциясын кім салады деген сауалға да тоқталып өтті. Президенттің айтуынша, бұл күрделі мәселе және Үкімет оны жан-жақты талқылап, келіссөздер жүргізуі қажет.
«Менің жеке пікірім бойынша, Қазақстанда бұл бағытта халықаралық консорциум жұмыс істеуі тиіс. Ол ең заманауи технологияларды қолданатын жаһандық компаниялардан құрылуы қажет. Бірақ, уақыт көрсетеді», — деді Қасым-Жомарт Тоқаев.
