«Qonaev otbasy fest» шаттық пен қуанышқа, жақсы эмоцияларға толы нағыз мерекелік фестиваль. Басты ұйымдастырушы – «Отбасы банктің» Алматы облысындағы филиалы. Шара барысында облыс әкімдігі мен банк өкілдері «Алатау жастары» бағдарламасына құжат тапсырып, үйлі болған жастарға құтты болсын айтты. Түрлі салада еңбек ететін жас отбасыларға пәтер кілттері табысталды.
«Мен «Алатау жастары» бағдарламасы бойынша «Отбасы банктен» үй алған болатынмын. Үлкен алғысымды білдіргім келеді. Бұл бағдарлама жастар үшін өте тиімді. Себебі жеңілдіктер өте көп. Қазіргі жастарға да кеңес беретін едім «Отбасы банктен» шот ашып, сол шотқа ақша жинап үйренуді», — дейді жас маман Мақпал Дүйсебаева.
Жалпы жыл басынан бері бағдарламаға қатысуға 400-ден астам өтініш түскен. Баспаналы болуға мүмкіндік беретін бағдарлама келер жылы да жалғасады.
«Алматы облысы бойынша 50-ге жуық жас маман 35 жасқа дейін маман үйлі болды. Бұл бағдарлама әлі де жалғасады. Бастапқы жарнасы 10% және несие пайызы бес пайызды құрайды. Ал жас мамандарға льготтық бағдарламамен осы «Алатау жастарымен» ала алады», — дейді «Отбасы банк» АҚ Алматы облыстық филиалының бөлім басшысы Альфия Хасанова.
Қаланың орталық алаңында өткен концертке адам көп жиналды. Тұрғындар түрлі байқауларға қатысып, бағалы сыйлықтар ұтып алды. Ал жастар арасында танымал әншілер Райым мен Қанай хитке айналған әндерімен мереке көркін қыздырды.
