Алматы облысы мәдениет, архивтер және құжаттама басқармасының қолдауымен Алматы облыстық орталық әмбебап кітапханасы ұйымдастыруымен шараға Қонаев қаласының зиялы қауым өкілдері мен оқырмандар қатысты.
Қазақстан жазушылар одағының мүшесі, ақын Төлеужан Нүсіпжанұлы Ғұмаров шара модераторы болды. Шарада кітап көрмесі, автор құрметіне өмірбаяндық бейне-ролик, келген оқырмандар арасында қызықты сұрақтар қойылды.
Шараның екінші бөлімінде Алматы облысы мәдениет, архивтер және құжат басқармасының басшысы Алиев Данияр Абзалиденұлы құттықтау сөз сөйлеп, сый құрмет көрсетіп, «Күлпет» атты кітаптың тұсауын кесті.
Шараның негізгі мақсаты – ұлтымыздың әдеби қоржынына тыңнан сүрен салып келген сүбелі шығарманы насихаттау және авторға қолдау білдірумен қатар жаңа туындыны оқырмандарға таныстыру.
Бұл еңбекте отансүйгіштік, қазақ әйелінің адалдығы, тіл мен діл секілді құндылықтар кеңінен дәріптелген. Енді бұл роман Алматы облысындағы барлық кітапханалардың төрінде тұрады. Өңір тұрғындары тағылымы мол шығармадан өзіне керегін алып, философилық тұрғыда ой-өрісін кеңейте алады.
