Аталмыш орталық Қарғалы ауылында орналасқан. Жазда балалар лагері ретінде жұмыс жасаса, қысқы мезгілде әлеуметтік осал топ өкілдері қаралатын шипажай ретінде жұмысын жалғастырады.
Жалпы, орталықтың мүмкіндіктері орасан зор. Бүгінгі күні мұнда 1500 бала демалып жатыр. Аймақ басшысы балалармен тілдесіп, лагердің жай-күйімен танысып шықты.
Артынша, Марат Елеусізұлы Ұзынағаш ауылындағы өнер мектебіне бас сұқты. Ғасыр бұрын салынған өнер мектебінде дарынды балалар тәрбиеленіп жатыр. Ғимараттың тозығы жеткеніне қарамастан мұндағы шәкірттер халықаралық байқауларда топ жарып, елдің атын шығаруға барын салуда. Жалпы бұл мектепте мыңға жуық оқушы оқиды. Мәселенің жай-жапсарын көзімен көрген облыс әкімі ғимарат салу мәселесін қарастыратынын жеткізді. Өңір басшысының сөзіне сүйенсек, аймақтағы су жаңа өнер мектеп «Жайлы мектеп» баяғдарламасы аясында салынуы мүмкін.
