Айтуларынша, егіншілік, бау-бақшаны кәсіп еткендер судан тарығып отыр. Себебі, Күрті су қоймасының суын бұрып алатындар көбейген.
Ал Жамбыл ауданы әкімдігінің баспасөз қызметі бұл мәселенің баяғыдан бар екенін жеткізді.
«Су қоймасынан шыққан су 70 шақырым ағады. Оның 25 км арығы ғана бетондалған. Сол үшін аққан судың біршама бөлігі топыраққа сіңіп кетіп жатыр. Қазіргі таңда арықты бетондап шығуға 19 млрд теңгеге жобалық-сметалық құжаты дайындалған. Жақында ол жаққа Сенат депутаты Жанболат Жөргенбаев барып, мәселемен танысты. Ол аталған проблема республикалық деңгейде қарастырылатынын, ақшаны тезірек бөлгізу үшін көмек беретінін айтты», — деді баспасөз хатшысы Бақтияр Айталы.
Оның мәліметінше, Ащысу ауылының әкімі халықпен сөйлескен соң жол ашылған. Енді ауылға аудан әкімінің орынбасары А.Тұматаев кетті. Ауқымды жиын өтеді. Барысында шаруалардың кезекпен жерді суару мәселесі қарастырылады.
Көліктердің қатынауына еш кедергі жоқ. Қосымша ақпарат жиын өткен соң жарияланады.
Посмотреть эту публикацию в Instagram
