Тиісті өзгерістер Үкіметтің 2026 жылғы 26 тамыздағы №767 қаулысында көрсетілген.
Құжатқа сәйкес, Алматы облысында ойын бизнесіне қатысты аумақтар екі санатқа бөлінген. Қапшағай су қоймасының жағалауында казино, ойын автоматтары залдары, букмекерлік кеңселер мен тотализаторларды орналастыруға рұқсат етіледі.
Ал Талғар және Ұйғыр аудандарында казино мен ойын автоматтары залдарына тек шетел азаматтары мен азаматтығы жоқ адамдардың кіруіне мүмкіндік беретін арнайы аумақтар белгіленген.
Мұндай ойын мекемелеріне Қазақстан азаматтарының кіруіне жол берілмейді. Алайда мекемеде еңбек немесе қызметтік міндеттерін атқаратын қызметкерлер мен өзге де тұлғаларға бұл шектеу қолданылмайды.
Үкімет қаулысында шетелдіктерге арналған осындай арнайы ойын аймақтары Маңғыстау, Жетісу, Шығыс Қазақстан, Батыс Қазақстан және Абай облыстарында да белгіленген.
