Ресми мәліметке сәйкес, зардап шеккен сарбаз оқиға болғаннан кейін бірден медициналық мекемеге жеткізілген. Қазір оған қажетті мамандандырылған медициналық көмек көрсетіліп жатыр. Оның денсаулық жағдайы дәрігерлердің тұрақты бақылауында.
Десанттық-шабуылдау әскерлерінің мәліметінше, оқиғаға дейін әскери қызметші қызмет өткеру жағдайына қатысты ешқандай шағым айтпаған. Сондай-ақ оқиға алдында ол әскери бөлімге келген ата-анасымен кездескен. Олардың тарапынан да әскери бөлімнің жұмысына қатысты ешқандай арыз-шағым түспеген.
Оқиғаға байланысты Ішкі істер министрлігінің Әскери-тергеу басқармасы қылмыстық іс қозғады. Қазіргі уақытта істің барлық мән-жайын анықтауға бағытталған қажетті тергеу амалдары жүргізіліп жатыр.
Сонымен қатар Қорғаныс министрлігі қызметтік тексеріс тағайындап, арнайы комиссия құрған. Ведомство мәліметінше, оқиғаның себептері жан-жақты зерделеніп жатыр, тергеу барысы ерекше бақылауға алынған.
